娛圈又有喜事！前年憑電影《十月圍城》奪金像獎最佳導演、現年54歲嘅陳德森（Teddy），將與40歲嘅女友林蔚結婚。佢兩個喺今個月二號低調入紙排期結婚，報稱係自僱人士嘅林蔚，申報嘅住所地址同Teddy申報嘅一樣，都係九龍塘范信達道，明顯已經係同居關係。不過Teddy之前喺微博講過自己要拍功夫片，唔知仲得唔得閒搞結婚嘅事？