泛民在去年特首選委會選舉表現極佳，在多個功能界別得票均遠超建制派候選人，但有泛民功能界別候選人形容，立法會功能界別選舉、與特首選委會選舉是「兩個世界」，泛民在選委會表現好，不代表在立法會選舉有較高勝算。
選民怕得罪西環
有泛民功能界別候選人分析，由於特首選委會選舉一人可投多票，且選委功能只在提名及投票選特首，選民通常較側重政治考慮，例如盡量投泛民候選人，令泛民有足夠投名票選特首，「好多界別嘅選民，就算未必好支持泛民，都會投泛民候選人一票，因為當時泛民叫緊未必夠提名畀何俊仁參選，所以好多人都投畀泛民候選人。」
另一名功能界別選民說，選委會選舉一人有多票，就算西環有壓力，他們也有空間「走位」，「好似叫我哋投建制名單，我哋可以唔投晒畀成張名單，只係投幾個，其他就投畀泛民候選人，反正咁多個選委，西環要追究都唔易。」但立法會功能界別選舉，泛民、建制派通常是單對單局面，西環很易計算到那些票「唔聽話」投了給泛民候選人，「除咗教育同社福界外，其他泛民有人選嘅界別選民，最多都係幾千人，好多選民覺得西環好易捉到邊個冇投建制派，所以唔敢亂嚟」。
以資訊科技界選委票王莫乃光為例，雖然他得1,466票，但資訊科技界選民人數由去年選委會選舉時的5532人，增至立法會選舉的6,721人，新增逾千選民，若新增選民全支持建制派的譚偉豪，莫就會「輸得好慘」。