【本報訊】北角昨早發生飛墮鋁窗險殺司機意外。一名的士司機在北角等客期間，車頂突然「嘭」一聲巨響，一扇鋁窗飛墮而至，車尾玻璃粉碎，司機險過剃頭，無受傷，立即報警。警方稍後拘捕樓上一個維修單位戶主。
昨晨9時許，51歲姓蘇的士司機駕車在北角道14號A嘉雲樓對開停車等客，當時他坐在司機位睇報紙，突然「嘭」一聲巨響，車廂震動，玻璃四濺：「好響，我架車震得好勁，我即刻行出嚟，見到車旁邊有一扇爛鋁窗，望上去見（大廈）有人探頭出來了解。」蘇定過神後報警求助。
警員到場發現嘉雲樓9樓一個單位外牆搭建棚架工作台，窗框有一扇鋁窗失去，遂登樓查問，其後拘捕61歲姓洪住戶。蘇事後仍猶有餘悸：「個窗咁高跌落嚟，可想而知衝力幾大，你話驚唔驚吖！」他慶幸鋁窗並非跌落司機位車頂，直言揸的士多年，首次遇上飛窗事故。昨天他無法做生意，無收入之餘，車租亦白付，還要支付數千元維修費。