【記者張文傑報道】「光頭廚神」黃永幟（幟哥）開設位於油麻地的首間龍皇酒家，抵不住業主加租一倍至每月36萬元，前日結業。幟哥臨走前張貼告示控訴業主瘋狂加租。他慨嘆，這已是龍皇酒家一年內第二間分店因不敵貴租拉閘，「做業主邊可以咁無良㗎﹗」據悉，翠華餐廳最近以月租40萬元承租該舖。
位於油麻地碧街的龍皇酒家上周貼出告示通知顧客，因業主瘋狂加租，本月3日起結業。龍皇酒家飲食集團主席幟哥表示，該舖約4,000平方呎，03年開業，屬首間龍皇酒家，08年業主由月租15萬元加至18萬元，近年舖位外牆滲水，內部天花剝落，但業主不願出錢裝修，續約時更要求加租一倍，「如果仲要自己拎幾百萬出嚟裝修，賺埋用嚟交晒租，邊有得做」。
幟哥指油麻地店情況與之前灣仔分店一樣，灣仔店05年開張，首數年蝕錢，之後年賺數十萬元至100萬元，去年業主開出續約條件，月租由38萬元增至70多萬元，「佢話你日日都爆棚，生意都唔錯，我畀埋條數佢睇，我話你哋做業主邊可以咁無良㗎﹗」最後雙方談不攏，該分店於去年9月結業，「裝修都蝕埋」。他強調酒家無財政問題，現仍有4間分店，只是不想做蝕本生意。
黃永幟：唔明業主諗乜
他說，集團現於油尖旺區內另覓合適舖位，但很多業主仍開出天價租金，「最低工資成本都係加11%，租真係最難頂，人工貴可以減人手，但你租金一開就咁貴，減埋人手都做唔掂，唔明啲業主諗乜」。
中原地產網頁顯示，今年3月油麻地區向彌敦道的一間510平方呎地舖，月租需20萬元。美聯物業董事呂炳坤稱，自由行帶旺的地區，舖租不斷飆升，地舖更全部有價有市。
敍福樓集團執行董事黃傑龍亦指過去兩年租金加幅驚人，其集團一間位於九龍東的分店年初租約期滿，業主大幅加租90%，討價還價後仍然要60%，最後「壯士斷臂」。他說，租金貴加上請人難，集團今年已減慢擴張步伐。
