男子400米自由泳金牌得主、中國嘅靚仔泳手孫楊（圖）喺今屆奧運爆紅，自不然成為「起底組」嘅目標，近日就俾人搵到佢最鍾意食乜嘢。原來孫楊同佢媽媽一樣，都係超愛食雲吞，仲要係食極唔厭嗰隻，試過一口氣掃晒3斤鮮蝦雲吞！另外，孫楊都好鍾意食魚同豆製品食物。為咗保持狀態，佢就戒咗最鍾意嘅即食麪，不過為咗金牌，冇計喇！