【記者伍雅謙報道】一擲萬金買的名牌手袋，不一定保值。有手袋業內人士踢爆名牌並不保證耐用，龜裂、變色等，屢見不鮮，手袋一旦要維修，便失去二手價值。有女士赫然發現，花逾萬元購買的Chanel手袋，竟爛到「好似老鼠咬」，怒指「一個咁頂級嘅名牌，袋嘅質素咁差」。
皮具翻新公司洗之達人技術部師傅指，常遇的手袋問題包括真皮氧化、手挽位變色及被服飾和飲料染色，「香港天氣潮濕，皮革氧化成日都會，某部份品牌設計亦會容易啲磨損」。
名媛葉梁美蘭也表示，真皮手袋經常變色，特別是淺色手袋，手挽位甚易發黃，「我會戴手套拎個袋，有啲人仲用絲巾包住嚟拎㖭」。
ChanelVIP會員張女士，最近發現一個Chanel羊皮小手袋嚴重破損，露出內層海綿，「好似老鼠咬過咁，曾經諗過個手袋係假嘅」。她將手袋交回Chanel驗證為真貨。
業界：要耐唔耐攞個袋摸吓
張女士稱，她四年前在英國機場專門店以834英鎊（約1萬港元）購入，一向跟足Chanel指示收藏手袋，每次用後以紙巾抹塵，在袋內放雪梨紙吸濕，並放入原裝布袋，連同購物紙袋存放衣櫃。「衣櫃仲放咗五個Chanel手袋，同埋其他名牌袋例如Prada、LV、Gucci、Fendi，仲有幾十萬皮草，都冇事」。她更不滿Chanel以手袋已停產為理由拒絕修理。
Chanel發言人表示，正與張女士跟進，不評論事件。
專為名牌手袋提供維修的旭新社負責人潘穎安表示，潮濕及乾燥環境均會令真皮手袋急速損耗及氧化，造成龜裂，但張女士個案的情況則較離譜。不過，他指若手袋太少用，也有可能造成龜裂，「皮本身有層油喺度，要耐唔耐攞個袋出嚟摸吓，手油會令啲皮冇咁快氧化，每個月最少用一至兩次」。
手袋二手市場目前最炙手可熱的品牌正是Chanel，因款式適合OL使用，尤其經典的黑色菱形格紋小手袋，三年內由2.2萬元升至4萬元，二手價可達2.7萬至3.2萬元。不過，有熟悉手袋二手市場人士稱：「曾維修過嘅手袋，基本上唔會回收。」
