梁朝偉前晚在尖沙嘴出席首映禮，提起舊緋聞女友張曼玉剛甩拖，偉仔自認情路與曼玉一樣崎嶇，幸偉仔終與劉嘉玲開花結果，連導演麥兆輝亦指偉仔婚後變得隨和，6月27日生日的偉仔已50歲，他笑言學懂不抱怨生命，包括能否生BB。
梁朝偉和周迅前晚於尖沙嘴出席有份主演的電影《聽風者》首映禮，同場還有吳家麗、模Mia、娜姐男友Avis等。戴上黑超的偉仔甫出場明顯略帶酒氣，他表示太太劉嘉玲忙於上海工作故未能出席支持。
唔知曼玉甩拖
問偉仔對於好友張曼玉早前承認與相戀5年的德籍建築師男友Ole分手，整個人變得消瘦，偉仔坦言不知情，他說：「我都係睇新聞先知，大家都好耐冇見。」至於可覺對方情路十分崎嶇，他說：「大家都崎嶇，人生好多離離合合，好正常！」會否覺得47歲的曼玉年紀不輕？偉仔煞有介事說：「唔好引導我講啲唔應該講嘅說話。」
直認以前偏激
導演麥兆輝前晚公開大讚偉仔婚後變得隨和，偉仔坦言以往經常鑽牛角尖，他說：「隨和係因為人大咗，唔需要太認真，可以輕鬆啲，追求嘅嘢亦都唔同，畢竟人生過咗50個年頭，睇返轉頭以前自己都好傻，太執着同偏激，做人應該要開心啲，可能我蠢啲，早醒會早啲開心。」至於太太是否最大得益人，他說：「係身邊嘅人都開心。」
偉仔雖然看透人生但與嘉玲仍未有下一代，被問到會否覺遺憾，他說：「我提醒自己任何事唔好有投訴，人生總有得有失，選擇一樣嘢時，總會有犧牲。」偉仔表示希望今年可接拍多部開心的電影，令觀眾睇到都開心。劉嘉玲昨日在微博讚老公說：「不斷在尋求突破的表演藝術家。」
採訪：陳月萍 攝影：黃文偉