君如春睡　賀47歲

吳君如人緣一向唔錯，前日佢47歲生日，群星約埋壽星婆賀壽，張學友、古天樂、張家輝同老婆關詠荷、I.T老闆沈嘉偉、杜汶澤、內地男星文章同台灣女神陳妍希等畀面撐場，仲有君如老竇夏春秋、細佬吳君祥、老公陳可辛同囡囡陳是知，三代同堂，熱鬧程度仲勁過電影首映。

當日着低胸黑裙嘅君如玩到癲，仲瞓上餐枱擺個海棠春睡甫士同眾猛男大合照，真係吹佢唔脹，之後佢又索性坐上枱切蛋糕，真係豪邁奔放。