許志安噚日喺中環出席品牌活動，對於再次傳出與鄭秀文10月喺日本輕井澤舉行婚禮，安仔講笑話：「杜汶澤我就識，輕井澤我唔識。」安仔話之前傳去咗好多地方舉行婚禮，可能遲啲就傳佢哋去南丫島結婚，不過佢好肯定咁話，如果佢同鄭秀文結婚，大家唔會唔知。問到佢哋有冇結婚共識？安仔竟然話冇，最多都係約埋一齊去做運動。