為咗爭獎牌，差啲連條命都冇埋！講緊嘅就係埃及女子舉重選手卡莉爾（圖），佢參加75公斤級，為咗緊貼前列嘅選手，喺比賽試舉151公斤，即係大約332磅嘅重量，結果「啪」一聲，向後跌咗落地，成個槓鈴仲幾乎壓喺卡莉爾條頸上面，都咪話唔嚇人；好在工作人員夠快手，上台搬走，即場同佢進行治療，之後用輪椅送佢離場，總算有驚無險。