早前曾出庭頂證的前員工兼債主向記者透露，首被告借屍還魂一招其實「冇乜錢落袋」，但他就算借錢賣樓也死心不息，堅持要開酒樓。
林美玉是酒樓股東之一，她指99年在上環竹園海鮮飯店工作時認識了花名「老鼠平」的首被告曾潤平，當時首被告是點心師傅，她則於酒樓做收銀員。及後首被告開設第一間酒家稻邦，邀她到稻邦幫手。「剛開業時公司都有少少錢賺，但幾個月之後就開始蝕，60個員工被拖糧半個月。有啲員工真係好等錢使，阿平都會叫我出咗糧畀嗰啲員工先。」03年沙士，首被告要求向員工七折支薪。
稻邦經營了兩年結業，林被拖欠四個月薪金，由破欠基金支付。及後首被告於窩打老道開設另一酒家福運，遂向已離職的林借錢，林一共借了17萬給他，結果一借無回頭，「（佢）借錢都要開，做到連樓都賣埋，其實佢都好慘！」根據土地註冊處資料，首被告於03年12月以210萬購下位於大角嘴港灣豪庭，翌年以245萬元賣出。
《蘋果》記者