真丟架！柔道（圖）話晒都係日本嘅國技，但係佢哋今屆嘅戰績真係慘不忍睹。男女子加埋14個級別，日本只係喺女子57公斤級贏到，男子組仲歷史性第一次「食蛋」，真係到爆！想當年雅典奧運，日本喺14個級別贏咗8面金牌返嚟，幾咁威水，今時今日？唉……南韓傳媒喺嗰陣時即刻出嚟抽水，寸日本淨計11面銅牌嘅話，都係第一喎！