中國喺星期四嘅倫奧游泳賽事，表面睇好似表現唔算太好，只得唐奕喺女子100米自由泳，憑後段發力奪得一面銅牌（圖）。不過，原來呢面獎牌彌足珍貴，因為係中國喺呢個項目，歷嚟僅僅第4面奧運獎牌；而且對上一次，中國喺女子100米捷奪牌，已經係16年前，樂靖宜喺亞特蘭大奧運奪得嘅金牌。唔怪得唐奕喺賽後都好激動，仲唔停咁多謝自己嘅教練啦！