【本報訊】倫敦奧運舉世矚目，旅居英國的香港自由攝影師楊德銘（PaulYeung）與女友以白色粉筆，在奧運女子單車公路計時賽決賽場上，親手寫上「平反六四WIN！！」及「HK反洗腦」的字句，將港人一直以來的心願，透過賽事直播傳遞至世界每一角落。
一張奧運女子單車公路計時賽的相片，昨日起在facebook瘋傳，相片可看到車手經過「平反六四WIN！！」的字句，短短一日已經有近300人分享，更獲多人留言力撐「香港良心，英國扎根！」、「多謝你們替香港人發聲！」原來該相片出自旅居英國的香港自由攝影師楊德銘及其女友Amanda手筆。
楊德銘越洋接受訪問時透露，今次意念來自香港好友、報館攝影師馮漢柱，「佢喺香港睇奧運直播時，見到單車比賽條公路有唔少人寫低字句或者畫公仔，個影像好深刻，（建議）不如寫番啲有意義嘅字句，等所有人都睇到」。
盼獲內地關注
楊德銘認為有意義，即時計劃行程並購買粉筆，「好認同要平反六四同埋香港政府要撤回國民教育，過去兩年我都喺英國、冇得參與7.1遊行，希望可以為香港做返少少事。」
由於比賽在當地時間8月1日中午12時半開始，Paul與Amanda提早兩小時抵達比賽場地，其間遇到波折，「事前要搵定地圖，要搵個唔喺咁近市中心、冇咁多鐵馬同保安嘅地方，先可以寫到字，但去到發覺個位唔得，要再搵過」。最終他們找到一個沒有保安駐守、鐵馬也沒有上鎖的位置，花了約30分鐘，寫下港人心願，並用相機拍下國際車手經過的歷史一刻。
楊德銘稱此舉只希望獲得國際及內地關注，「上網搵返當日LIVE片段，睇到BBC直播有車手經過，都有兩秒㗎！中央台唔知會唔會播出來呢？我都好希望佢哋可以播到。」馮漢柱也稱，最終目的是希望特區及中央政府知道港人意願。