放暑假有乜節目？不少家長會趁假期，帶小朋友到影樓影個痛快，但影樓造型個個一式一樣，想突圍而出做主角？不如扮吓最近大熱的蝙蝠俠，及千嬅ＢＢ都愛扮的鬆弛熊；想ＢＢ扮埋大熱嘅Spiderman？Sorry，全城缺貨中！
記者：蘇麗珊
攝影：周旭文
模特兒：葉靖、Lukas
英雄人物上身
說到今年最矚目英雄人物，非Batman莫屬！《蝙蝠俠：夜神起義》電影場場爆滿，無論大、小朋友，都鍾意到飛起！今次介紹的蝙蝠俠衫，屬100%日本正貨，而且附上披肩，令扮相更維妙維肖。另外，日本BANDAI系列的惡魔人，及五星戰隊的英雄主角，同樣推出蛤衣款式，適合6至12個月的小朋友穿着。
齊演迪士尼卡通
唔鍾意大美國，亦唔喜歡英雄主義？唔緊要，仲有好多家長鍾意將自己心愛的卡通人物，投射到小朋友身上，當中最熱門的扮嘢角色，首選《反斗奇兵》的胡迪，其次便是主題公園的主角米奇。假如以上人物都不是你杯茶，那可以學吓楊千嬅，為兒子Torres穿上Rilakkuma鬆弛熊蛤衣，可愛程度即時提升！
飲宴穿型仔禮服
家長們帶寶寶出席晚宴之前，是否經常頭痛要為他們穿甚麼衣服來搶鏡？雖然市面上亦有FakePrint煲呔口水肩，適合出席宴會時使用，但感覺較普通及低調。想隆重一點，則可選擇紳士系列的蛤衣，要小朋友穿起西裝、打煲呔，完全無難度，而且更加添玩味的成熟。
Cosplay趣怪造型
趣怪的蛤衣造型又豈止英雄人物及卡通人物，市面上有不少趣怪造型的蛤衣以供選擇，如大人小朋友都喜愛的朱古力M&M's！然而，此貨品為美國原裝出產，所以各家長想要買的話，則要先作預訂。
模有女僕Cosplay造型，原來日本品牌OKUTANI亦推出嬰兒版女僕蛤衣，不知穿上後，吸引程度會否更勝模？
a.RabbitBurrow（27396828）
b.Ubuy（www.ubuy.com.hk）
c.BeansBaby（28818109）