力爭下個星期日衞冕男子100米金牌嘅牙買加飛人保特（右），星期三同傳媒講，贏咗嘅話想搞個慶功宴。吓？預賽都未開始喎，保特哥！呢位世界紀錄保持者仲話：「哈利王子好玩得，我一定會邀請佢嚟我個慶功宴。」唔止哈利（左），保特仲想叫埋劍橋公爵威廉王子同佢老婆凱蒂㖭；你咁自大未贏先諗慶功，小心到頭嚟係幫隊友禾漢比歷克搞慶功宴呀。