美國嘅比雲斯（右圖）星期二晚響男子4x200米自由泳接力，幫美國奪金後已完晒今屆比賽；可能備戰忍咗好耐口，呢位24歲泳手就選擇咗一個唔多健康嘅方式去慶祝，去麥當當叫咗1個巨無霸、2個「孖芝」、1份麥樂雞、2包大薯條同1杯雪糕（左圖）。比雲斯暴食呢餐之前，都不忘影張相並放上去Twitter度，而且留言：「賽後嘅慶祝晚餐。全部都係我嘅！」