【本報訊】香港首富、長和系主席李嘉誠為未來五年開出樂觀期票，大派定心丸。他昨日罕有地為集團作出長遠預測，直言市場若無重大變化，未來5年集團95%的業務年年都會增長，未來兩年更是99%的生意有增長。
記者：石永樂 趙建強 陳新政
早前宣佈將上市公司資產分配予長子李澤鉅的李嘉誠，一句說話都可以有「舉足輕重」的作用，因此他極少為集團長遠的表現及發展方向作出預測。
昨日是他正式宣佈如何分身家後的首次長和系業績會，李嘉誠一開始已就集團的前景作出評估，「如果美國、歐洲嘅市況同今日差唔多，未來5年包括長實（001）、和黃（013）都會相當好，比今日只有好過……如果有大到非常大嘅事發生就唔敢講。」
派定心丸 料為接班鋪路
長和系業務遍佈全球53個國家，李氏及後補充，未來5年系內95%生意年年都會保持增長，未來兩年更是99%的生意有增長。
訊匯證券行政總裁沈振盈表示，「家個市咁波動，其實無人有水晶球，而李嘉誠一向都好保守，佢咁樣講法，唔排除係想向市場派定心丸……亦可能為佢嘅接班人，或者為佢淡出公司鋪路。」上月，聯交所資料披露，李嘉誠家族基金權益變動，原由李嘉誠二子李澤楷持有三分一的權益轉移至李澤鉅，李澤鉅正式透過持有三分二的家族基金，控制市值超過1萬億元的長和系王國，不過李嘉誠昨日強調他「未退休」。
外圍經濟短時間難解決
雖然李嘉誠對長和系增長充滿信心，但對外圍並不看好。他表示，上半年歐洲債務問題加劇，美國經濟復蘇持續緩慢，已令經營環境充滿挑戰，直言下半年金融前景仍然不明朗，歐洲債務問題之潛在變數及不穩定情況料將持續，加上美國經濟復蘇能力緩慢，預料下半年環球市場將持續動盪不安，「目前外圍經濟問題仍需時間去處理，問題不能於短時間內解決（theproblemcannotsolveintheveryshorttime）。」
香港方面，李嘉誠不諱言，香港經濟今年增幅雖可能減緩，但仍可維持正面增長，其中集團香港的生意則會比去年好，「香港有內地支持，不擔心香港情況。」然而李嘉誠表示，受外圍因素影響，內地經濟表現難免放緩，但情況仍屬安定，「今年7.5%增長，佢哋一定做得到，至於民企呢，有時資金短缺，困難多啲，但總體來講，中國今日嘅經濟都係穩定，前景會好好。」
《李嘉誠精句》
論前景
「如果歐美經濟環境同今日差唔多，長江、和黃未來5年都會好……有信心95%嘅生意未來幾年，年年增長，所有歐洲嘅生意，今年會比舊年好。」
論國民教育
「每個禮拜有一個時間，我自己編講義教佢（孫），無論咩環境，自己中國人都應該愛國家。但講義唔會出街。」
回應海譽縮水
「買架勞斯萊斯，同買架幾百CC嘅細車，價錢唔同，當然設施亦唔同……東京啲房間好細，只要有需求，供應無呃人，就得……好多人戴表，貴過我呢隻，咁我默認呢個價錢買，就無問題。」