前日推出處女專輯嘅陳法拉近日密密出動為新碟造勢，不過搵真銀始終最重要，法拉噚日撲去廣州搵真銀，大會仲安排咗架超級跑車林寶堅尼嚟車佢，認真威水，吸引過百粉絲圍觀。法拉話到家仲未見過張心血結晶碟，至於男友會唔會捧場買碟，佢就話：「應該會買，嚟緊會開音樂會。」對於同門農夫嘅個唱流產，法拉就話唔擔心，仲好相信公司會安排一切。