內地出生，在澳洲讀了十多年書的王瑤，攻讀金融，順理成章在本港紮根，連在悉尼讀書時投資的都是港股，「讀書時試過唔同嘅投資產品，純粹小試牛刀，主要是股票和外滙。」
金融海嘯前有不少紅籌股來港上市，對內地公司熟悉的王瑤主力炒紅籌，加上有做槓桿，在這股升浪中賺到幾百萬。
王瑤本身不主張炒股，「與其花心機喺買賣盤，不如做好自己嗰行，炒股唔係人人做得好。」王瑤坦言捕捉唔到07年下半年的最瘋癲升浪，「嗰時個市升得好高，自己喺07年中沽晒，只留低滙控（005）及中移動（941），諗住長揸，點知都蟹咗，蝕咗幾十萬。」
投資天璽賺1800萬
王瑤最豐厚的回報是炒樓，首次投資的將軍澳地鐵站上蓋物業，收租回報理想，尚未捨得沽出，而創業同年買入九龍站天璽連車位，原本預期三年樓價才翻身，不過兩年已賺近1800萬元。
王瑤又指出：「我不是靠炒賣賺錢，係以自己嘅生意為重，但做生意有種sense，見到樓價跌到咁低冇理由唔買。」