李嘉欣和許晉亨的一歲半兒子JaydenMax，向來粗暴又好動，嘉欣前晚出席活動又爆兒子活躍到差不多拆屋，更被他拉衫玩的衣架扑到頭。近期國民教育惹來各界家長強烈反對，嘉欣表示也有留意，更明白家長要先了解教材是合理，覺得香港人已經很愛國，她又希望囝囝可入讀本地學校。
李嘉欣、吳千語、陳霽平和扒女李依琳等，前晚在灣仔出席Goodrich水晶牆紙活動，李嘉欣指囝囝JaydenMax不經不覺已一歲半：「健康成長，返緊playgroup，因為佢，我哋認識咗唔少家長，家好多人陪佢玩。」
遭囝囝扑頭拆屋
問嘉欣有否留意近期鬧得熱烘烘的國民教育，她說：「有留意，覺得（解決）方法係畀時間去推行，唔可以太急。如果真係愛國嘅，其實香港人已經好愛國，作為家長，要先了解教材。」囝囝可會繼續留港讀書？嘉欣說：「有啲嘢冇得避，我當年讀localschool，老公就讀國際學校，我希望佢都可以讀localschool，想搵一間可以培養獨立思想、畀到空間小朋友嘅學校。」
近期倫奧熱播，嘉欣表示不想捱夜所以少睇。囝囝一向好動，她曾爆被囝囝出拳打中，提到囝囝可能有不錯的運動細胞，嘉欣說：「唔知，佢都成日郁，好活躍，拆咗間屋咁滯，今日又走去衣帽間，拉咗條長裙出嚟，衣架仲扑到我個頭。」
陳霽平讚盛品儒
同場的陳霽平和吳千語各傳緋聞，有指陳霽平被亞視高層盛品儒摸pat搭膊親熱，似擦出愛火，她說：「未正式，係好好朋友。」搭膊？「好好朋友，搭少少OK啦。」摸pat都OK？她說：「好輕微啫，佢外國返，鬼仔性格。」但她直認有發展空間，又不忘讚揚男方風趣、聰明，對於指她撬呂晶晶牆腳，她說：「我唔係第三者，我哋兩個都係單身。」又謂不介意姐弟戀。吳千語則表示和林峯吃過幾次飯，否認拍拖：「我哋係飲食朋友，傾得埋，冇諗咁多。」
採訪：林嘉慈
攝影：陳順禎
