《港島區》
【本報訊】民主黨創黨主席李柱銘昨呼籲選民「為民主站出來」，透過配票力保民主黨港島區四個議席；李昨以自己家庭為例，表明自己將投票支持民主黨副主席單仲偕，妻兒則傾向兩票投給公民黨名單。李柱銘指，泛民在立法會保住24席關鍵少數十分重要，否則難以有效在政改方案、洗腦國民教育和23條立法為港人把關。
力保港島區泛民四席
李柱銘昨日出席公民黨「為香港，站出來」運動，坦言初時對公民黨今次港島區名單排陣感到「唔開心」，「陳淑莊排第二，照睇就應該會輸梗；但後來我諗清楚，覺得呢個係一個進取的做法，係險中取勝。我希望香港島民主派選民，會同埋自己親戚朋友配票，令民主派保住港島四個議席。」
李柱銘指，民主派選民一向「醒目」，至今堅信陳淑莊有當選機會，又以自己一家三口為例，表明三票全投民主派，自己一票會投給民主黨單仲偕，妻子和兒子則傾向投票支持陳淑莊和陳家洛。李柱銘認為，民主派選民應該集中票源，支持有勝算的民主派候選人，「你睇到佢冇機會的，或者個信念唔係好堅定的，你投呢啲人，嗰票即係畀咗建制派。」在獲得民主黨批准下，李柱銘亦會跨區支持參選九龍西的公民黨毛孟靜，以及民主黨黨友黃碧雲。
提到梁振英和政府官員，至今仍否認國民教育是「洗腦」，李柱銘相信這已清楚反映梁班子是「大話班子」，認為不少過去未有投票的選民，會透過今次選舉投票，表達他們對洗腦國民教育說不的立場，「我哋唔想仔女好似梁振英咁講大話，仲要講大話唔眨眼」，形容罷課將是「無選擇中的選擇」。