蔡卓妍（阿Sa）與師妹詩雅齊齊以厚厚冬裝現身I.T時裝騷，風頭不及沈嘉偉和邱淑貞所生的11歲大女沈月。沈月雖戴上黑超，但面形輪廓似足其母親，以長腿美少女打扮坐第一行睇騷，滋油淡定，極具星味。
日本時裝品牌Mercibeaucoup前晚在中環搞秋冬時裝騷，設計師宇津木也有前來，蔡卓妍、詩雅與商台DJ朱薰等齊齊睇騷。阿Sa穿上厚厚趣怪造型冬裝現身，但不及沈嘉偉和邱淑貞所生的大女沈月搶鏡。
11歲的沈月貴為I.T太子女，她身穿灰色tee，螢光橙色熱褲，MMM白色中boots，戴上父親代理的英國牌子LindaFarrow黑超，以周身名牌的美少女打扮坐第一行睇騷。沈月極具其母邱淑貞（豆斗）的風範，同樣留了一頭長髮，五官面形都似足媽咪，尤其下巴輪廓與豆斗如同餅印，睇騷期間更不停微笑，滋油淡定，盡顯如母親般的女神風範。
阿Sa睇靚仔
阿Sa就透露廣東碟銷情不俗，問有否留意容祖兒的國語碟在台銷量不敵同期的梁詠琪，她即力撐說：「冇睇到，因為之前發行問題，同Twins咁多年都冇去宣傳，家一步一步pickup番。」
阿Sa笑言晚晚有看奧運，特別留意兩位德國體操選手波爾及阮馬素、英國跳水選手戴利等，她說：「有留意兩個德國選手，佢哋超級靚仔。睇到戴利微博啲沖身連環圖，條分數banner位置，笑死我。」記者問他們外形是否吸引過其男友陳偉霆，阿Sa即說：「唔答呢啲問題。」再問她讚其他男仔，男友會否呷醋，她笑言：「講嚟做乜鬼，大家有眼睇。」採訪：梁錦雯 攝影：陳俊強
