財仔公司競爭激烈，部份多以明星掛帥賣廣告。眼見萬寧貓為救患病主人一炮而紅，成功俘虜港人心；王瑤旗下財仔公司一於有樣學樣，只是將主角換成老虎狗，為救一隻雪橇犬攀山涉水，畫面唯一不同的是出來迎接的小姐是老闆王瑤本人，「因為成本有限，明星好難請，導演曾經搵咗幾個人選，但都同個品牌唔太夾。家自己都係得兩句對白啫，唔係咁難做。」
公司首批廣告由老友張國強和黃婉曼拍膊頭主演，王瑤一直參與其中，「由度橋到跟場拍，到後期製作，每一個都係好好嘅學習經驗。」王瑤一直都好恨做人母親，果真火速脫離單身行列，現已為一子之母。她笑言原本想拉埋自己個仔落水拍廣告，親力親為兼偷師學藝，「家導演問拍呢個shot好唔好，我都可以答到。」