國際劍擊總會星期二宣佈，會頒個特別獎牌，畀喺周二因為計時器問題，失落金牌戰嘅南韓女劍手申雅嵐（圖）。發言人話個牌上面會刻上「對勝利的熱衷和對規則的尊重」，仲話明白計時器係有問題，而且已經向申雅嵐道歉。不過，申雅嵐完全唔接受國際劍擊總會嘅好意，佢話：「個特別獎牌唔會令我好過啲，因為根本就唔係奧運金牌。我永遠都唔會接受呢個賽果，因為呢個根本係一次無可彌補嘅錯誤。」