一班出戰咗歐國盃、啱啱放完假歸隊嘅曼城球員，好似赫特、尼史葛、拿斯尼（右）同尼祖迪莊等，周二同英甲嘅奧咸踢咗場友賽，結果以1:2輸波。班球員好明顯個心仲掛住陽光與海灘，踢到冇厘神氣，同阿古路、泰維斯嗰班喺亞洲越踢越生猛嘅隊友，完全係兩回事，希望佢哋快啲操番好狀態。值得一提嘅係，今次幫曼城破蛋嘅，竟然係辛達告魯斯呢位棄將。