主播今屆奧運嘅美國電視台NBC，早前已經因為將開幕禮斬件播出，同埋未播女泳將法蘭克琳贏100米背泳金牌，就先出佢贏咗廣告而俾人狂插。今次又有新嘅笑料，佢哋喺倫敦搵咗位非裔途人做訪問，點解嗰個人咁熟口面嘅？咦，呢位路人咪係1984年洛杉磯奧運嘅拳擊銅牌得主、前世界重量級拳王荷里菲特（圖）囉。主持人咁都認唔出？有冇搞錯呀！