黃榕早前推出自己本寫真集時，為咗造勢真係冇所不用其極，宣傳時佢竟然喺大庭廣眾下玩除泳褲，新鮮滾熱辣送畀中坑粉絲，行為真係好不雅同唔衞生囉！不過，黃榕梗係覺得冇所謂㗎啦，佢仲喺微博自爆前晚喺內地嘅酒吧做嘢時，竟然有人願意出兩萬蚊買佢身上着過嘅一套內衣，佢仲表現得洋洋得意，認真教壞細路。