何姿登頂網上爆紅

吳敏霞同何姿大熱贏得雙人3米板跳水金牌，無論係連贏3屆的大師姐，抑或係初嘗金牌滋味嘅人氣小花，背後都隱藏鮮為人知嘅家庭故事，支持兩位喺倫奧登頂。

感謝媽媽在天國保佑

有「小郭晶晶」之稱嘅90後小花何姿，首次征戰奧運就金牌落袋，除咗動作優美外，佢甜美嘅樣子似乎更吸引傳媒嘅目光，家網上就瘋傳幾張佢喺微博嘅生活照，有實力又有樣貌，抵佢極速爆紅。奪金之後呢位廣西姑娘不忘多謝身在天國嘅媽媽：「好感謝媽媽一直喺天上保佑我，我會繼續努力，好好照顧爸爸。」
至於拍檔吳敏霞能夠連贏3屆金牌，就一定要多謝父母8年嚟一個「善意大話」。多年前吳媽媽朱金妹患上乳腺癌，化療後總算痊癒。但為免令敏霞分心，一直都冇講出嚟，直到早前先被拆穿。爸爸吳珏明話：「咁多年嚟都明白嗰女唔係完全屬於我哋，天倫樂更加諗都唔夠膽諗。」嚟緊敏霞同何姿會喺8月3日展開嘅單人3米板，各自為戰。