代表非洲國家尼日爾，出戰今屆倫奧男子單人賽艇項目嘅伊沙卡（HamadouDjiboIssaka、圖），喺比賽入面充份表現乜嘢叫做體育精神。本身係游泳選手嘅伊沙卡，喺3個月前先轉玩賽艇嘅佢獲「外卡」參加倫奧，喺初賽雖然包尾過終點，仲輸成100秒咁多，但佢嗰份堅持就贏盡現場觀眾嘅掌聲。可惜，英國賽艇名宿列格夫竟然炮轟大會話唔應該俾伊沙卡「外卡」參賽，就似乎有失身份喇。