夏天最受歡迎消閒活動，當然係去沙灘享受日光浴同游水，有時一大班朋友去到沙灘，都唔係個個識游水，上網都見到勁多人問去沙灘有咩集體遊戲好玩？最多人推介堆沙、數字球、射水槍，但這些集體遊戲真係由細玩到大，我唔悶你都悶啦！所以佢哋今個夏天統統Out了！
記者：陳家蕊
攝影：潘志恆
模特兒：Wendy、Mia、Camilla@澳洲新8模/KitJ、Kelvin、LaYing@GMEModels
傳統沙灘Game知多啲！
1.沙灘搶旗 體能測試
玩法是兩人先面向天瞓低，當聽到哨子聲，就鬥快起身跑去搶旗仔。源於那個國家？早就沒記載！但這個遊戲可以說絕對考反應，加上在沙灘上較難跑得動，所以沙灘搶旗常常會出現於體能訓練中；例如救生員及紀律部隊的比賽中，就常出現沙灘搶旗。
2.沙灘打西瓜 源自非洲
蒙着眼依靠身邊朋友指示打西瓜，好多人都認為是日本人發明的！而專宣傳打西瓜的日本「西瓜分裂認證促進協會」就表示，其實打西瓜是非洲的習俗，兼可預測來年西瓜是否有好收成；在日本還有個「全日本西瓜分裂錦標賽」，指定用上日本出產的西瓜，而比賽規則亦有分打中西瓜，以及打爆西瓜的計分方式。
3.沙灘拔河 遠追古代
在中學旅行必玩的沙灘拔河，原來早於史前已經出現，而迄今所發現的原始記載，多在亞洲國家；據中國唐代《封氏聞見記》，春秋時期的楚國一帶，軍中已出現拔河運動。不同國家的拔河，亦有不同意義；例如在韓國，會用拔河比賽以預測下季的豐收。而拔河運動在1900年第二屆法國巴黎奧林匹克運動會中，曾被列為正式競賽項目，直至1920年停辦。
沙灘遊戲新玩法
人體海綿夾出水
原始遊戲：Sorry！這是全新遊戲！
難得去沙灘，當然要充份利用環境優勢，去玩一啲平時玩唔到的遊戲；兩人一組，一齊夾着海綿走到海中吸水；兩人再用PatPat的巧勁，將濕水海綿帶返岸上的水桶，再用PatPat夾出水來！
所需道具：水桶一個、大海綿一個。
人數：兩人一組，可以多人作賽。
好玩度：★★★★★
立即玩！
1.兩人用PatPat夾海綿，落海將佢浸濕。
沙灘欖球
原始遊戲：馬騮搶球
沙灘波有很多種玩法，不妨試試這種最刺激的！基本玩法同打欖球差唔多，唯一唔同係搶到波後只可企在原地，同傳波畀隊友（帶着波走為犯規，會罰離場10秒），靠着不停拋球接球，放入對方場區的球洞中，過程充滿着欖球式身體接觸！
所需道具：沙灘波
人數：六個人、三個人一隊；當然越多人玩，越刺激。
好玩度：★★★★
立即玩！
1.於沙灘畫上長方形戰區，三個人一組
果汁水槍Highnoon
原始遊戲：射水槍
去得沙灘，就一定預咗落水濕身啦，所以一直覺得玩水槍，其實幾儍吓！今次蒙住雙眼，靠雙耳聽出對方位置，再射出果汁，甜甜的果汁，令你全身有「黏」的感覺，冲洗都比較麻煩！比起射海水，大家玩起上嚟一定更刺激！
所需道具：水槍兩支、毛巾兩條、果汁。
人數：可以多人一組，每次兩個人對壘。
好玩度：★★★★★
立即玩！
水泡二人三足
原始遊戲：二人三足
從前的二人三足，用的是繩繫着兩人的腳，今次在沙灘上玩，不妨運用沙灘必備的水泡套上雙腳，由水中開始，兩人一組比賽，大大的水泡比繩更加難以前進，更加講求合拍性！
所需道具：水泡
人數：兩人一組，不妨多組一齊作賽，情侶更可以一組呢！
好玩度：★★★
立即玩！
