《老友記》女星歌翠妮葛絲前日同8歲女女CoCo一齊喺紐約行街，點知突然落大雨，兩母女又冇帶遮。不過佢哋苦中作樂，笑住跑去有瓦遮頭嘅地方，CoCo個樣超開心，同佢件衫上面個哈哈笑一樣。反觀同樣喺紐約嘅前湯嫂姬蒂荷姆絲同皇帝女Suri就冇咁開心，雖然已經停雨，但係Suri就嫌地下有水氹又要扭阿媽抱。姬蒂着咗條巨型喇叭褲拖哂地。