徐小鳳上星期五現身沙田百佳超級市場，同行仲有一男一女陪佢，單係見到戴住太陽眼鏡同太陽帽嘅小鳳姐揀正減價日現身，就知今趟係有備而來，佢哋先去家居清潔部掃貨；買完一車清潔用品後，佢哋再殺去隔離買廁紙。
拍過杜琪峯電影《最愛女人購物狂》嘅小鳳姐，再發揮佢殿堂級購物狂嘅威力，單係廁紙同面紙都買咗三種唔同牌子，睇嚟小鳳姐對抹面、抹嘴及如廁嘅用紙分得好清楚，足足買了兩車有多。意猶未盡嘅小鳳姐連零食都唔放過，買咗魚仔餅、薯片等，用咗差唔多20分鐘放滿三部購物車，行到櫃位畀錢時又睇中放喺櫃架嘅朱古力同糖，又唔放過，最後小鳳姐用現金找數。
採訪、攝影：葉雪
