後生仔女想拍拖都係好正常嘅事，但做得運動員，而且仲要係國家級嗰種，就唔係你想點就可以點。好似喺今屆倫奧幫中國喺舉重項目，贏咗一面女子48公斤級別金牌嘅王明娟（圖）咁，由於佢嘅父母同埋教練規定佢喺25歲之後先可以拍拖，所以搞到佢曾經有過「相愛但不能愛」嘅痛苦經歷。家27歲嘅王明娟諗番轉頭都有啲嬲嬲哋，仲埋怨有拖拍嗰時又唔拍得，家都唔知去邊度搵番個好男人！