王喜噚日去新城電台做訪問，一排冇蒲頭嘅佢大件咗好多，原來佢之前去咗美國幫王維基城電拍開台特輯，任務係追龍捲風，20日跑足12個州，大部份時間都留喺架車入面，有乜辦法唔肥。阿喜話簽咗保密協議，最後追唔追到龍捲風唔講得住，不過此行都好驚險，差啲俾雷劈死，又試過遇到黃豆咁大粒冰雹，老闆知行程凶險，幫佢買咗千萬保險，好彩用唔着。