【本報訊】梁振英前日指國民教育科並非他任內提出，前政務司長陳方安生（圖）批評梁推卸責任，應回應市民訴求，即時撤回，「梁先生係家呢一屆特首，姑勿論係咪前朝引進嘅，如果梁生聽到市民嘅聲音，佢應重新檢討」。梁營悍將劉夢熊指，應先有一套港人與中央都滿意的教材才推行國民教育。
陳太昨指，香港並不需要國民教育科，「好多國家都冇一科叫國民教育，要年輕人認識祖國，無可厚非，但係應透過好多唔同嘅科目，例如公民教育，德育教育和中史等，令年輕人認識祖國，但認識祖國並不等於冇條件咁去愛！」陳太強調，學生要認識中國歷史，「好壞都要清楚」，要有獨立批評能力，辨清是非黑白。
劉夢熊：教材須客觀公正
劉夢熊昨擔任中學生通識辯論比賽評判時指，港府有兩個「老闆」，即700萬港人及中央，「套教材未搞得掂嘅，咪搞掂先再講囉」。他指，國民教育教材必須令所有「炎黃子孫」都認為客觀、公正和科學。「我就睇吓CY有冇咁嘅本事，組織到啲人能夠寫到呢套教材！一係就晒阿爺嗰套，但得罪700萬港人。如果就晒港人主流價值觀，實事求是講歷史真相，又會得罪阿爺」。