新一屆立法會選舉提名期昨日結束，候選人正式進入埋身肉搏階段。單仁原本於梁振英上場後，已將踢爆西環亂港的惡行交棒給季陶；但今次選戰，梁粉空群而出之餘、西環又再出手干預，單仁終於決定重出江湖，在未來逾一個月踢爆各式選舉陰招，例如據聞西環已掌握不少泛民「黑材料」，必要時大打「抹黑戰」影響泛民選情。
有泛民中人對單仁說，早在數星期前，已收到建制派內「無間道」通風報信，聲稱西環正收集個別泛民候選人「黑材料」，又以部份選情激烈選區為「重點打擊區」。據知西環不理「黑材料」真假、又或是否早已廣泛流傳的舊聞，「總之要夠爆夠黑就得」。
「投票前夕先拋出嚟」
例如西環不斷透過地區爪牙，四出挖某泛民候選人的陳年緋聞；雖然當事人多年前已公開否認有關傳聞，但西環一樣「有殺錯冇放過」，「反正只要喺投票前夕先拋出嚟，就算要澄清都嚟唔切，真係死咗都冇仇報」。
另一抹黑手法就是透過友好傳媒，翻炒泛民候選人N年前的負面新聞，例如泛民候選人是否涉及僭建、有沒有涉及其他政治指控，「總之全部搵晒出嚟，日日喺友好傳媒入面唱衰你（泛民候選人），再叫你嘅對手拎住呢啲傳媒負面報道周街貼，好多選民唔識分真假新舊，見係有報紙報道就信以為真，就算向選舉事務處投訴，都要有排查！」
單仁