王家衞執導、梁朝偉主演嘅《一代宗師》拍咗多年都未面世，不過粉絲就唔使擔心，因為王大導早前應芝華士邀請抽時間拍咗部微電影《心靈之境》，相信等王大導新作等到頸都長嘅粉絲可以睇住微電影嚟頂癮。王家衞出品一向認真，單係拍呢部微電影已經出動成200個演員同工作人員去到印度開工，又搵嚟好拍檔張震同首次拍電影嘅名模杜鵑合作，梗令人關注啦。