李思欣同范振鋒噚日接受新城訪問，再提到之前佢哋新婚冇耐被人見到喺街上鬧交，兩夫妻異口同聲話嗰次只係小風波，兼且已經雨過天青，鬧完交感情有增無減，李思欣話：「阿范都俾屋企人鬧，令佢哋擔心，唔係講到婚變咁誇張。」范振鋒為咗爭取時間陪老婆，仲將原定深宵嘅電台主持工作，申請調到日間，等兩公婆有更多時間相處。