曾國祥噚日去商台宣傳執導嘅新戲《斷了片》，呢次搵咗余文樂同張靜初做主角，故事講佢哋飲醉斷片，醒番發現身邊有個陌生人。曾國祥話現實自己都經常斷片：「試過斷片起身，發現身邊好多陌生人，原來我去咗一個人嘅屋企，我仲以為唔見咗架車，搵咗好耐先搵得番。」曾國祥之前一度傳婚訊，佢否認話：「婚訊應該係我細佬至啱。」