汪詩詩昨日在金鐘出席珠寶品牌JohnHardy活動，她謂近年少收老公送贈珠寶，自己年輕而不想太快做老夫老妻，她說：「佢冇以前咁浪漫，疏忽咗，後生拍拖時好啲。」她曾向老公投訴，但老公表示太忙，她只好隔空提老公本月底是結婚九周年紀念日，希望他醒目識做，學習妹妹圓圓男友蔡加讚年輕有創意。
想過二人世界
問汪詩詩想要甚麼驚喜？她說：「旅行，好耐冇試過，之前一齊去紐約係日日工作，佢忙開會籌備電影，應該抽到時間。」她想先過二人世界，稍後再與子女去旅行，謂4歲的兒子黐身，連外出食飯都收到十個電話，但不會叫囝囝常致電爸爸，防止老公作反，因老公為人沉悶，冇興趣曳曳。
採訪、攝影：林嘉慈