姚明24號到咗倫敦，為央視做旁述。呢位7呎6吋嘅巨人，去到邊都成條人柱咁，你話唔矚目都冇人信。而呢位中國人icon嘅受歡迎程度，勁到就連酒店都要特別為佢改建就佢高度！聽講呢位前火箭球員住嗰間酒店，廁所門高得2米20，姚明唔彎腰都入唔到去；酒店想明哥住得舒服，特登整走門頂嘅牆，仲連廁所天花板都拆埋！咁大工程，真係畀足面姚明！