美國泳手洛捷迪等咗4年，終於畀佢等到擊敗「新水怪」費斯嘅一刻，但係當佢想用自己方式慶祝嘅時候，國際奧委會竟然sayno。可能係想向古代奧運致敬，呢位400米個人四式金牌得主，想學得勝嘅古代運動員咁，戴個鑲咗鑽石嘅美國國旗款牙套上頒獎台。不過有個職員同佢講，一係就除牙套上台拎牌，一係你就唔好要個獎牌。洛捷迪索性上台唔戴，落台影相時候先戴番。