易思玲喺上個禮拜六幫中國攞咗倫奧第一金，自己亦成為大滿貫神槍手，兼且亦發過豬頭。中國傳媒就話，第一金比普通金牌貴重得多，獎金至少多成400萬人仔（約486萬港元）；咁到未算，之前奧迪承諾會送部價值75萬人仔嘅車畀第一金選手，家陣部車易思玲已袋袋平安；加埋佢笑容甜美，睇嚟會為佢換到唔少廣告代言嘅機會。照咁睇佢呢面射擊金牌，隨時幫佢執成過千萬人仔！