做藝人最怕無工開，但宅男女神賈曉晨（JJ）卻呻工作量近年日多，犧牲了私人時間及睡眠時間。今番狂谷事業線都是公司安排，JJ：「我唔係想做一個事業型女性，家庭對我重要啲，唔排除識兩日就閃婚。」邊影相更邊表明自己思想傳統，極少着Bra拍攝，今日已經算係極限喎。
記者：雷福財
攝影：潘志恆
化妝：NicoleKong@IMakeup
服裝鳴謝：Jessica、IposhLTD、Ecco、MaudFrizon
場地鳴謝：Eventa（28332885）
呻公司多工作
入行將近九年的JJ，近期拍劇宣傳錄音出書瓣瓣有，效果好唔好，見仁見智，但予人花瓶感覺，除是公司的悉心安排，JJ亦坦言不能兼顧多線路發展，每日都唔知幾時收工的生活。JJ：「嚟緊會宣傳《怒火街頭2》、拍《戀愛季節》等，搞到成日唔夠瞓，噚晚做完訪問錄音，凌晨四點先瞓，朝早七點鐘又要起身，真係完全無晒私人時間，想拍拖都唔得！呢幾日仲係處於呢種狀態，今次頂唔順先呻兩句。」
識兩日便結婚
自言非事業型女性，最終目標都係嫁個啱傾好男人，起碼毋須捱到殘，一副我見猶憐表情。如果遇啱，唔排除閃婚。「我好睇緣份，相信一見鍾情，最重要有共同話題。我個人好衝動㗎，話唔定可以識兩日就結婚，只係根本無時間識，識親都係呢行，大家同樣咁忙，再繼續咁做落去都幾辛苦……」說着說着，眼中彷彿期待着白馬王子能即時出現！
將最Sexy留給老公
未有男友的JJ，對於將來的夫妻相處反而已有既定一套睇法，最好同「老公」齊齊揀Bra。「始終作為一個人家的老婆，都希望身邊嘅另一半喺私人時候見到自己最靚最性感嘅狀態，咁樣係生活情趣之一，所以我覺得一個聰明又識扮靚嘅女人都應該咁做。自己平日愛着TriumphShapeSensation系列，可以將身形修得更靚更有線條，着長裙打底最好。顏色亦偏向以Colorful同舒服為主，易啲襯衫。」
Triumph（28318534）
銅鑼灣Sogo2樓