何猷亨前晚同莎莎集團太子郭浩泉搞慈善晚宴，女友陳可欣同緋聞女友林嘉寶撞到正，猷亨勁識做即場發表愛的宣言，話只愛可欣一個咁話，咁識冧女，果然盡得老竇真傳！
猷亨搞晚宴，四房冚家撐到「恆」，四太梁安琪拖住兩個仔加未來新抱笑到四萬咁口，又讚可欣又靚又聰明，仲話何生都畀滿分，睇嚟好恨飲新抱茶。
