國民教育事在必行，娛樂圈的星爸星媽也抗拒讓子女接受赤化國民教育，他們異口同聲表示，有時間的話，或許會帶同子女參加今日的遊行。
育有三名子女的名模媽咪馬詩慧非常反對推行國民教育，幼子王躍穎暑假後便升讀中一，日後有可能接受國民教育，馬詩慧昨說：「作為家長，我係支持小朋友知道中國歷史，但一定係要知道事實真相，唔係片面資訊。我希望政府對推行國民教育必須三思而後行，根本冇諮詢過業內或家長同意，就好心急推行，全部係佢有佢講，我怕國民教育嘅內容會灌輸畀小朋友錯誤價值觀，影響佢哋將來思維。」馬詩慧稱今日有時間，必帶子女參加遊行。
剛為人父的電影公司老闆蕭定一表示：「我相信囡囡唔會有機會接受呢啲國民教育，如果政府一旦推行，我就會畀囡囡讀國際學校。我唔明點解強硬要小朋友接受，呢啲嘢唔使從小灌輸。我認為點都要社會有相當共識先可推行，不過政府過去10年好多嘢都夾硬嚟。」四子之母的黎淑賢也說：「香港教育近年越做越差，我絕對唔容許小朋友學習抹黑嘅事。」
《蘋果》記者