立法會選舉認真多變數，金融服務界由冇乜人爭變成可能好多人爭，保險界就調轉，由可能有人爭變成陳健波（波哥）冇對手下連任都未定。汽車保險局總經理秦鈺池諗過但話唔玩後，保險界元老、中銀人壽執行總裁蔡中虎（CF）從加拿大返來又決定唔選了。
與CY份屬同窗
華華日前搵到加國探親返港嘅CF，佢承認有好多老友兼行家希望佢出戰，等保險界呢個位有競爭，但考慮過家人朋友意見，諗埋自己意願及性格後，佢相信在目前議會形勢下，自己在議會外發揮對業界貢獻，會大過入局，所以經過一番掙扎後，CF最後決定唔參加，佢仲好有風度，預祝波哥勝出！
63歲嘅CF，四年前僅以8票之差輸畀波哥，佢同CY同屬英皇書友，CY當選後，CF曾站台支持，兩人關係咁好，CF就算唔做議員都發到功啦。