暑假是學生的天堂，卻是打工仔的地獄，公眾假期少唔在講，旺季百團騰貴兼人迫人，要透氣只能在「一小時生活圈」中尋，即係廣東同澳門。Samantha是澳門常客，所以澳門賭業股近月未敢染指，上周金沙中國（1928）公佈的第二季業績頹勢是意料中事。
現時過大海於Samantha而言，可能只為了高級餐廳的一餐飯，事關價錢平一半。不過少食多滋味，其餘幾餐只求果腹，懶到選賭場內的美食廣場，最近一次點了個海南雞飯，不奢求有灣仔君悅的質素，但竟然劣過屋企樓下間泰國餐廳，雞油飯有色無味，靈魂醬汁更是酸甜欠奉，搞唔清究竟是白切雞飯還是海南雞飯。
當大家以為要踩主攻賭場食肆的佳景集團（703）就大錯特錯，Samantha反而覺得有得做，近年大型賭場兼購物區多集中在氹仔，賭場附近食肆欠奉，獨市生意兼大小通吃，由美食廣場的頹飯（價錢是中環燒鵝飯價50大元），到人均消費近千元的日本菜通殺，睇嚟突破52周新高在望。
Samantha
本欄逢周一、三、五刊出