歐國盃後宣佈退出烏克蘭國家隊，已經估到前鋒舒夫真高離掛靴都唔遠，但就估唔到喺一個月後嘅事！由於約滿基輔戴拿模，令「軍刀」決定從此收山，仲話明退休後會轉戰政界，真係唔知到時佢會唔會做咗烏克蘭總統。另一邊廂，個姓同樣有「舒」、「高」兩字嘅舒米高（圖），最近就俾曼聯聘為官方大使，唔通球會唔記得，佢曾經都效力過死敵曼城咩？